"O, məndən əfv istəyir" - Tramp

Həbsdə olan reper və prodüser P.Diddi (əsl adı Şon Kombs) ABŞ prezidenti Donald Trampdan əfv istəyib.

Ajans.az xəbər verir ki, bu barədə Tramp məlumat yayıb.

"Bir çox insan məndən əfv istəyib. Mən onu Diddi adlandırıram, o, məndən əfv istədi", - prezident Ağ Evdə jurnalistlərə deyib.

Prezident digər təfərrüatları açıqlamayıb və Kombsu əfv edib-etməyəcəyini də izah etməyib. 

Xatırladaq ki, Nyu-York məhkəməsi reper və iş adamı Şon Kombsu (P.Diddi) dörd il iki ay müddətinə azadlıqdan məhrum edib. O, insan alveri ittihamı üzrə iki epizodda təqsirli bilinib.