Hava limanının fəaliyyəti - DAYANDIRILDI: Bu ölkədə...

Norveçin Oslo hava limanı bazar ertəsi səhər saatlarında yaxınlıqda pilotsuz uçuş aparatlarının müşahidə olunması səbəbilə fəaliyyətini qısamüddətli dayandırıb.

Ajans.az xəbər verir ki,bu barədə Avinor hava limanları şəbəkəsinin nümayəndəsi məlumat verib.

"Bir və ya bir neçə təyyarə havada idi və vəziyyətin aydınlaşdırılmasını gözləyirdi. Heç bir təyyarə alternativ hava limanlarına yönləndirilmədi", – deyə nümayəndə bildirib.

Norveç Xəbər Agentliyi polisə istinadən xəbər verir ki, Norwegian Air aviaşirkətinin pilotu hava limanına yaxınlaşarkən 3-5 pilotsuz uçan aparat gördüyünü düşündüyünü bildirib. Hadisə ilə bağlı araşdırma aparılır.