Fələstin hökuməti Trampın müharibəni son qoymaq planını dəstəkləyir

Prezident Donald Tramp və İsrailin baş naziri Benyamin Netanyahu bazar ertəsi günü Qəzza zolağında müharibəyə son qoymaq üçün plan üzərində razılığa gəldiklərini açıqlayıblar. Plan artıq HƏMAS-a təqdim olunub və qrupun bu şərtləri qəbul edib-etməyəcəyi hələlik məlum deyil.

Ajans.az Associated Press-əistinadən xəbər verir ki, HƏMAS planı “səmimiyyətlə” nəzərdən keçirir.

Trampın hazırladığı 20 maddədən ibarət plan, Qəzzadan əhalinin çıxarılmasını tələb etmir və hər iki tərəfin razılığı halında dərhal atəşkəsin tətbiqini nəzərdə tutur. Həmçinin planda göstərilir ki, İsrailin razılığından sonra 72 saat ərzində HƏMAS bütün qalan girovları azad etməlidir.

Planın əsas məqsədlərindən biri də müharibədən sonrakı dövrdə Qəzzanın idarəçiliyini bərpa etmək və bölgədə uzunmüddətli sabitliyi təmin etməkdir.

Fələstin Administrasiyası Trampın planını alqışlayaraq, Qəzzaya qayıtmaq və gələcəkdə müstəqil Fələstin dövlətinin qurulmasına şərait yaratmaq məqsədilə islahatlara hazır olduğunu bəyan edib. Hazırda Fələstin Administrasiyası İsrailin işğalı altındakı Qərb Sahilinin bəzi hissələrini idarə edir və HƏMAS-ın əsas siyasi rəqibidir.

Bu arada, Demokrat partiyasının liderləri Ağ Evdə Tramp ilə görüşərək səhiyyə xərclərinin azaldılması və federal büdcənin maliyyələşdirilməsi məsələlərini müzakirə ediblər. Lakin görüş zamanı Tramp planlar barədə çox az danışıb, əsasən dinləməklə kifayətlənib.

Senatın Demokrat lideri Çak Şumer jurnalistlərə bildirib ki, prezidentin vəziyyətlə bağlı kifayət qədər məlumatı olmayıb:

“Onun xəbəri yox idi”, – deyə Şumer qeyd edib və əlavə edib ki, çox sayda amerikalı yaxın aylarda tibbi sığorta xərclərinin artacağını görə bilər.

Görüş Trampın ikinci prezidentlik müddəti dövründə Konqresin “böyük dördlüyü” ilə keçirilən ilk rəsmi görüş olub. Media nümayəndələrinin iştirakına icazə verilməyib, kameralar qapalı qalıb. Senatın Respublikaçı lideri Con Thune görüşü “canlı və açıq müzakirə” kimi xarakterizə etsə də, görüşdən sonra konkret nəticə və ya yeni addımlar barədə açıqlama verilməyib.