Kabuslarla dolu qəsr satılır

İnternetdə Böyük Britaniyada 16-cı əsrin ortalarına aid qədim qəsrin satışına dair reklam yayılıb. Qəsr dənizə baxan bir uçurumun üzərində yerləşir. İnternet istifadəçiləri onun kabuslarla dolu olduğunu iddia edirlər.

Ajans.az xəbər verir ki, bu barədə "The Mirror" məlumat yayıb.

Danski qəsri 16-cı əsrin ortalarında siyahıya alınmış binadır. O təxminən 1500-cü ildə dağıdılmış Adare qalasının yerində inşa edilib.

Qəsrdən dənizin o tayında 32 km-dən çox məsafədəki Şimali İrlandiya görünür.

Qeyd edilir ki, qala çoxdan öz bütövlüyünü itirib və onun xarabalıqlarına keçmiş müdafiə xəndəyindən keçərək sahil yolu ilə getmək olar.

Qalanın dəyəri təxminən 225 min manata yaxın qiymətləndirilir.