ABŞ TV aparıcıları Cimmi Kimmeli müdafiə edir

ABŞ-da bir neçə tanınmış televiziya aparıcısı həmkarları Cimmi Kimmelə dəstək nümayiş etdirib. Bu, Kimmelin Charlie Kirkin ölümünə dair səsləndirdiyi fikirlərdən sonra ABC kanalından uzaqlaşdırılması və sabiq prezident Donald Trampın televiziya şəbəkələrini təhdid etməsi fonunda baş verib.

Ajans.az BBC-ə istinadən xəbər verir ki, Kimmelin bazar ertəsi yayımlanan monoloqunda, Kirk-in ölümünü siyasi məqsədlərlə istifadə etməyə çalışan radikal dairələri tənqid etməsi ilə başlayıb. Kimmel, hadisəyə Trampın verdiyi reaksiyanı isə “dörd yaşlı uşağın qızıl balığının ölümünə yas tutmasına” bənzədib.

Bu çıxışdan sonra sabiq prezident Donald Tramp televiziya şəbəkələrini “mənfi yanaşma”ya görə lisenziyalarını ləğv etdirməklə hədələyib. Tezliklə, Cimmi Kimmel efirdən uzaqlaşdırılıb.

Kimmelə dəstək ilk olaraq məşhur gecə şousu aparıcısı Stephen Colbertdən gəlib. O, şousuna “Hamımız Cimmi Kimmelik” sözləri ilə başlayıb və onun efirdən uzaqlaşdırılmasını "söz azadlığına açıq hücum" adlandırıb.

Seth Meyers isə çıxışında bildirib:

“Cimmi Kimmeli dostum adlandırmaq mənim üçün həm imtiyaz, həm də şərəfdir. Eyni zamanda, hər gecə bu şounu aparmaq da bir şərəfdir.”

Jon Stewart və Jimmy Fallon da satirik eskizlər vasitəsilə Trampın tərifini ironik şəkildə təqdim edərək hadisəyə münasibət bildiriblər. Fallon və Stewart, Trampı tərifləməyə “məcbur” olduqları süni ssenarilərlə azad sözün necə boğulduğunu nümayiş etdirməyə çalışıblar.

NBC-nin “Late Night” proqramının aparıcısı Seth Meyers isə çıxışında Tramp administrasiyasının ifadə azadlığına təzyiq göstərdiyini bildirib və əlavə edib:

“Mən həmişə Trampa heyran olmuşam və hörmət etmişəm,” – deyə ironik şəkildə söyləyib, tamaşaçıların alqış və gülüşləri ilə qarşılanıb.

Daha sonra o, Trampın "ifadə azadlığını bərpa etdiyini" iddia etdiyi klipləri təqdim edib və vurğulayıb ki:

“Söz azadlığının ABŞ Konstitusiyasının Birinci Düzəlişində yer almasının bir səbəbi var. O, hər şeydən üstündür.”

Meyers çıxışını belə yekunlaşdırıb:

“Bu, demokratiyamız üçün çox önəmli bir məqamdır. Biz hamımız ifadə azadlığı üçün ayağa qalxmalıyıq.”