Türkiyə fransız müğənninin konsertini ləğv etdi

Türkiyə yəhudi əsilli müğənni Enriko Masiasın 6 sentyabrda İstanbulda keçirilməsi planlaşdırılan konsertini ləğv edib.

Ajans.az Kult.az-a istinadən xəbər verir ki, bu barədə İstanbul valiliyi məlumat yayıb.

Məlumata görə, müğənninin israilyönümlü fikirləri əleyhinə çağırışların və mümkün etiraz aksiyalarının qarşısını almaq məqsədi ilə tədbirin keçirilməsinə icazə verilməyib.

Valilik belə aksiyaların hüquqi baxımdan etirazçıları çətin vəziyyətdə qoya biləcəyini və narazılıqlara səbəb ola biləcəyini vurğulayıb.

Qeyd edək ki, Masiasın İsrailə verdiyi dəstək sosial şəbəkələrdə və bəzi qruplar tərəfindən sərt tənqid olunurdu.