Türkan Şoray etiraf edir: “Məni də aldatdılar”

Türk kinosunun “Sultan”ı, veteran aktrisa Türkan Şoray şəxsi həyatı ilə bağlı səmimi etiraf edib. 80 yaşlı sənətçi yeni çap olunan “Türkan və Həyat” kitabında xəyanət mövzusuna toxunaraq diqqət çəkən açıqlamalar verib.

Ajans.az xəbər verir ki, gözəlliyin və məşhurluğun xəyanətdən qorunmağa kifayət etmədiyini vurğulayıb:

“Əlbəttə, məni də aldatdılar. Gözəl qadın olmağın heç bir əhəmiyyəti yoxdur. Kişilər bir müddət sonra evdə qadına diqqət göstərməyi dayandırır. Məncə, bu, onların təbiətində var”, – deyə aktrisa qeyd edib.

Kitabda yer alan bu etiraf sosial şəbəkələrdə sürətlə yayılaraq geniş müzakirələrə səbəb olub.