AK Partinin üzvü Mücahit Birinci bu səbəbdən İSTEFA VERDİ

AK Partiya daxilində intizam təqibinə sövq edilən Mücahit Birinci istefa verdiyini açıqlayıb.

Ajans.az Haber Global-a istinadən xəbər verir ki, bu barədə Mücahit Birinci sosial hesabında məlumat paylaşıb. 

AK Partiya İstanbul İl Başçılığı tərəfindən intizam icraatına sövq edilən Mücahit Birinci partiyadan istefa verdiyini açıqlayıb.

AK Partiya İstanbul İl İdarəsi hazırda İstanbul Böyükşəhər Bələdiyyəsi (İBB) ilə bağlı aparılan korrupsiya istintaqı çərçivəsində saxlanılan iş adamı Murat Kapkıdan siyasi təsir imkanlarından istifadə edərək sosial şəbəkələrdə təhqiredici paylaşımlar etdiyi iddiası ilə partiya üzvü Mücahit Birincinin intizam məsuliyyətinə cəlb edilməsinə qərar verib.

“Yeni Şafak”ın xəbərinə görə, iclasda iştirak edənlər yekdilliklə Birincinin partiya nizamnaməsinin 117-ci maddəsini pozduğunu bildirərək, onun İl İntizam Şurasına göndərilməsinə səs veriblər.

Xəbərin yayılmasından az sonra Mücahit Birinci sosial şəbəkədə istefa verdiyini açıqlayıb:

“Təşkilatın hər bir pilləsində xidmət etmiş bir partiya üzvü kimi hörmətlə ictimaiyyətin nəzərinə çatdırıram ki, lazım bildiyim üçün mənsub olmaqdan qürur duyduğum partiya üzvlüyündən və aktiv siyasətdən istefa etmişəm.

Mən Prezidentimizə ata dostu, böyük Rəhbər və mənim nöqteyi-nəzərimdən Möminlərin Əmanətçisi kimi baxmağa davam edəcəyəm.

Bilinməlidir ki, mən nə vaxt və harada lazım olsa, bir an belə Rəhbərimin yanında olmaqdan çəkinməyəcəyəm.

Bu vəsilə ilə övladlarıma, anama, ailəmə daha çox vaxt ayıracam inşallah.

Bütün qardaş və bacılarıma haqqımı halal edirəm.

Vəssalam”.

©️ Materiallardan istifadə edərkən hiperlinklə istinad olunmalıdır.