Türkiyədə iki siyasi partiyanın fəaliyyəti dayandırılıb

Türkiyə Konstitusiya Məhkəməsi (“Anayasa Mahkemesi”, AYM) “Aydınlığı Partisi” və “Ədalət İşığı Partiyası”nın fəaliyyətini rəsmi olaraq dayandırıb.

Ajans.az Haber Global-a istinadən xəbər verir ki,Ali Apellyasiya Məhkəməsinin Baş Prokurorluğu hər iki partiyanın qanunvericiliyə uyğun fəaliyyəti təmin etmədiyini əsas gətirərək, onların avtomatik ləğvi üçün Konstitusiya Məhkəməsinə müraciət edib.

Baş Prokurorluğun təqdim etdiyi sənədlərdə qeyd olunur ki, “Aydınlığı Partisi” qanuni müddət ərzində ilk böyük qurultayını keçirməyib və tələb olunan partiya orqanlarını formalaşdıra bilməyib. Digər tərəfdən, “Ədalət İşığı Partiyası” isə son qurultaydan sonra ardıcıl ikinci böyük qurultayını keçirmədiyinə görə tənqid olunub.

Konstitusiya Məhkəməsi məsələni nəzərdən keçirdikdən sonra 2820 saylı Siyasi Partiyalar haqqında Qanunun 121-ci maddəsinə və 4721 saylı Türkiyə Mülki Məcəlləsinin 87-ci maddəsinə əsaslanaraq, hər iki partiyanın “ləğv edilmiş” hesab edilməsinə və hüquqi fəaliyyətlərinə xitam verilməsinə qərar verib.

Qərara əsasən, partiyaların hüquqi varlıqları sona çatdırılıb, müvafiq proseslər isə Türkiyə Xəzinədarlığı tərəfindən icra olunacaq.