Zelenskidən yeni proqnoz

Zelenskiyə antikorrupsiya qurumlarından cavab tədbirləri proqnozlaşdırıldı.

Ajans.az lenta ru-ya istinadən xəbər verir ki, Ukrayna Prezidenti Vladimir Zelenski ölkənin antikorrupsiya qurumları – Milli Antikorrupsiya Bürosu (NABU) və Xüsusi Antikorrupsiya Prokurorluğu (XAP) tərəfindən cavab tədbirlərini gözləməlidir. Bu barədə ölkədə fəaliyyəti qadağan olunmuş "Həyat Uğrunda Müxalif Platforma" partiyasının sabiq lideri Viktor Medvedçuk "Smotrim.ru" platformasında dərc olunan məqaləsində bildirib.

“Biz genişmiqyaslı, diqqətlə planlaşdırılmış bir təmizlənmənin başlandığını görürük. Zelenskiyə yalnız gözləmək qalır – nə zaman onun və əlaltılarının ardınca gələcəklər,” – deyə o, proqnoz verib.

Medvedçuk izah edib ki, hakimiyyətlə antikorrupsiya strukturları arasında baş vermiş qarşıdurmadan və onlara əvvəlki səlahiyyətlərinin geri qaytarılmasından sonra, geri dönməz cavab tədbirləri başlayıb. O, Zelenskinin “Xalqın Xidmətçisi” partiyasından olan bir deputatın həbsini buna nümunə kimi göstərib.

31 iyulda Vladimir Zelenski, cəmi doqquz gün əvvəl faktiki olaraq ləğv olunmuş NABU-nun səlahiyyət və müstəqilliyini bərpa edən qanunu imzalamağa məcbur qalıb.