Putin statusunu dəqiqləşdirdi

Putin Rusiyada ekstremist statusunun əsaslarını dəqiqləşdirdi.

Ajans.az xəbər verir ki,təşkilatın ekstremist statusu onun rəhbərinə və ya iştirakçısına qarşı çıxarılmış ittiham hökmü əsasında veriləcək. Bu, Rusiya Prezidenti Vladimir Putinin imzaladığı və rəsmi hüquqi aktların dərc olunduğu saytda yerləşdirilən qanunda əks olunub.

Sənəd icmanın və ya təşkilatın ekstremist kimi tanınmasının əsaslarını dəqiqləşdirir. Qanundan belə nəticə çıxır ki, 282.1-ci maddə ("Ekstremist icmanın təşkilatı") üzrə cinayət işi üzrə vətəndaşa qarşı çıxarılmış hökm qanuni qüvvəyə mindikdən sonra təşkilat ekstremist statusu ala bilər. Məsuliyyət icmanın rəhbərləri, qurucuları və ya iştirakçıları üzərindədir.

Putin həmçinin Rusiyada yeni cinayət cəzası kimi məcburi əməyin tətbiqinin genişləndirilməsi barədə qanunu da imzalayıb.