NATO: Patriotlar Kiyevə çatdırılacaq

NATO-nun baş komandanı: "Patriot sistemləri mümkün qədər tez bir zamanda Kiyevə göndəriləcək"

Ajans.az reuters-ə istinadən xəbər verir ki, NATO-nun ali hərbi komandiri Alexus Grynkewich iyulun 17-də bildirib ki, Ukraynaya əlavə Patriot hava müdafiə sistemlərinin tezliklə göndərilməsi üçün hazırlıqlar gedir. Ölkə bu vaxta qədərki ən ağır Rusiya hücumlarından birini yaşayır.

“Patriot sistemlərinin təhvil verilməsi ilə bağlı almanlarla çox yaxından işləyirik,” deyə o, Almaniyanın Viesbaden şəhərində keçirilən konfransda bildirib. “Mənə verilən göstəriş mümkün qədər tez hərəkət etməkdir.”

ABŞ Prezidenti Donald Tramp bu həftə Ukraynadakı üç ildən artıq davam edən müharibəyə qarşı sərt mövqe tutduğunu və Kiyevə yeni raketlər və digər silahlar vəd etdiyini açıqlayıb.

O, iyulun 15-də deyib ki, Almaniyadan gələn bəzi Patriot raketləri artıq Ukraynaya yoldadır.

Patriot sistemlərinə malik ölkələr və Ukrayna üçün donorların iştirakı ilə keçiriləcək və Grynkewichin sədrlik edəcəyi görüş iyulun 23-də NATO-nun Belçikanın Mons şəhəri yaxınlığındakı hərbi qərargahı ŞAPE-də keçirilə bilər, Reuters-ə danışan mənbə bildirib.

Grynkewich qeyd edib ki, Ukraynaya çatdırılmalarda ardıcıllıq məsələsi də mövcuddur.