CHP-də iki istefa

CHP Bayrampaşa Bələdiyyə Məclisinin üzvləri Saki Teker və Ali Karahasanoğlu CHP üzvlüyündən istefa veriblər.

Ajans.az haberglobal-a istinadən xəbər verir ki, Bayrampaşa Bələdiyyə Məclisinin üzvləri Saki Teker və Ali Karahasanoğlu, CHP-dən istefa etdiklərini bildiriblər.

Birgə yayımlanan açıqlamada belə deyilir:

“Bayrampaşa xalqına səmimiyyətlə xidmət etmək məqsədilə böyük ümidlərlə başladığımız yol təəssüf ki, Bayrampaşa Bələdiyyə Başçısı Hasan Mutlunun bəzi etik olmayan davranışları, maddiyyat yönümlü yanaşmaları və məclis üzvləri ilə vətəndaşlar barədə söylədiyi qeyri-uyğun ifadələr səbəbilə başa çatmışdır.”