Dünyanın cavab axtardığı "Fordo" SİRRİ

ABŞ-nin İranın Fordo, Natanz və İsfahan şəhərlərindəki nüvə obyektlərinə hücumundan iki gün əvvəl Fordo obyektindən uranın başqa yerə köçürüldüyü peyk görüntüləri ilə üzə çıxıb.

Ajans.az xəbər verir ki, ABŞ rəsmiləri hücum edilən Fordo obyektindəki 400 kq 60% zənginləşdirilmiş uranın harada olduğunu bilmədiklərini açıqlayıb. Bu miqdarın təxminən 10 nüvə bombası hazırlamaq üçün yetərli olduğu bildirilir.

İsrailin baş naziri Benyamin Netanyahu isə uranın yerinə dair “maraqlı kəşfiyyata” sahib olduqlarını deyib, lakin təfərrüat verməyib. İran mənbələri uranın daşınmasını təsdiqləsə də, hara aparıldığı açıqlanmayıb.

Peyk görüntülərində Fordo obyektindən çıxan uzun konvoyun uranın daşınmasına aid olduğu ehtimal edilir. Hadisə beynəlxalq aləmdə ciddi suallar doğurub.