Yer kürəsində güclü maqnit qasırğası 54 saatdır ki, DAVAM EDİR

G3 sinifli güclü maqnit qasırğası 54 saat ərzində səngiməyib, bunun 48 saatı qırmızı səviyyədə olub.

Alimlər bunun hazırkı günəş dövrü üçün rekord dəyər olduğunu istisna etmirlər. 

Ajans.az xəbər verir ki, bu barədə Günəş Astronomiya Laboratoriyası məlumat yayıb.

“2025-ci il iyunun 3-də məlumata görə, maqnit qasırğası bitməyib. Sahəsində dalğalanmalar G3 işarəsi yaxınlığında qeydə alınıb ki, bu da güclü səviyyəyə uyğundur”, - ekspertlər bildirir.

“Sürət 600 km/s səviyyəsində qalır - hələ də normadan 1,5 dəfə yüksəkdir, lakin pik dəyərlərlə müqayisədə xeyli aşağı düşüb”, - hesabatda deyilir. Alimlərin fikrincə, təqdim edilən məlumatlar “fırtınanın bitmək üzrə olduğuna” ümid verir, lakin belə gözləntilər “dünən günortadan sonra yaranıb”. Buna baxmayaraq, fırtına hələ də müşahidə olunur.

Xatırladaq ki, ötən həftə G3 sinfinə aid kifayət qədər uzunmüddətli güclü maqnit qasırğası baş vermişdi. Lakin həftənin sonunda, iyunun 1-də Yer kürəsini yeni maqnit qasırğaları dalğası bürüyüb. Ekspertlər geomaqnit şüalanma ilə bağlı vəziyyətin yalnız iyunun 4-ü axşam saatlarında sabitləşəcəyini düşünürlər.