Avropa Mərkəzi Bankının rəhbəri korrupsiyaya görə HƏBS EDİLDİ

Slovakiya Mərkəzi Bankının rəhbəri və Avropa Mərkəzi Bankının İdarə Heyətinin üzvü Peter Kazimierz korrupsiya işində təqsirli bilinib və 200 min avro cərimələnib.

Ajans.az xəbər verir ki, hökm məhkəmə tərəfindən verilib.

Kazimir ölkənin maliyyə naziri vəzifəsində çalışarkən bəzi şirkətlər üçün vergilərin qaytarılmasını sürətləndirmək müqabilində yüksək vəzifəli bir vergi məmuruna 48 min avro rüşvət verməkdə təqsirli bilinib.

Qərar elan edilən zaman iş üzrə təqsirləndirilən şəxs iştirak etməyib. Nəşr bildirir ki, o, cəriməni ödəməsə, cəza bir il həbslə əvəzlənəcək.

Mərkəzi Bank məhkəmənin qərarını nəzərə aldığını bildirib; Avropa tənzimləyicisi bununla bağlı şərh verməkdən imtina edib. Kazimirin özünün səlahiyyət müddəti iyunun 1-də başa çatır, lakin onun əvəzedicisi hələ təyin olunmadığından o, Mərkəzi Bankın rəhbəri vəzifəsini davam etdirəcək.