Moskva Dövlət Universitetinin keçmiş professoru EVİNDƏ ÖLÜ TAPILDI

Moskva Dövlət Universitetinin iqtisadiyyat kafedrasının keçmiş professorun meyiti bağ evində tapılıb.

Ajans.az xəbər verir ki, bu barədə “Mash Telegram” kanalı məlumat yayıb.

Mənbənin sözlərinə görə, mayın əvvəlindən 78 yaşlı kişiyə hüquq-mühafizə orqanlarının adından onu bütün əmanətlərini guya təhlükəsiz hesaba köçürməyə inandıran fırıldaqçılardan zənglər gəlir. Əvvəlcə təqaüdçü fırıldaqçılara 34 milyon rubl köçürüb, sonra isə bütün daşınmaz əmlakını sataraq daha 18 milyon göndərib.

Professoru ən son görən onun dostu olub. O, təqaüdçünün narahat olduğunu və problemlərdən şikayət etdiyini bildirib. Faktla bağlı araşdırma aparılır.