Britaniya kəşfiyyatı XƏBƏRDARLIQ ETDİ

İsrailin Qəzzadakı müharibəsinin uzunmüddətli nəticələri Avropaya və onun hüdudlarından kənara yayılacaq.

Ajans.az xəbər verir ki, bu barədə Britaniya kəşfiyyatının GCHQ (Hökumət Rabitə Qərargahı) keçmiş rəhbəri ser Ceremi Fleminq xəbərdarlıq edib.

“Bunun uzunmüddətli nəticələri inanılmaz dərəcədə mürəkkəbdir. Və siyasi prosesin olmaması onu həzm etməyi həqiqətən çətinləşdirir”, - deyə bildirib.

Onun sözlərinə görə, ekstremistlər də münaqişədən gəncləri radikallaşdırmaq üçün istifadə edə bilərlər. Bundan əlavə, GCHQ-nin keçmiş rəhbəri Böyük Britaniya, Fransa və Kanadanın İsrailin Qəzza zolağında "tamamilə qeyri-mütənasib" hərəkətlərini pisləmək üçün birgə səylərini alqışlayıb.

Bundan əvvəl məlum olmuşdu ki, Böyük Britaniya digər ölkələrlə birlikdə İsrail Müdafiə Qüvvələrinin (IDF) Qəzza zolağındakı hərəkətlərinə görə bir sıra israilli nazirlərə qarşı sanksiyalar hazırlayır. London maliyyə naziri və müdafiə naziri Bezalel Smotriç və İsrael Katsa, eləcə də milli təhlükəsizlik naziri İtamar Ben-Qvirə məhdudiyyətlər qoymaq niyyətindədir.