Qonşu ölkədə tibbi kartel AŞKARLANDI

Rusiya Federasiyasının Federal Antiinhisar Xidməti (FAS) dəyəri 1,2 milyard rubldan çox olan tibbi kartelin üstünü açıb və üç Rusiya MMC-yə qarşı iş açıb.

Ajans.az xəbər verir ki, bu barədə idarənin mətbuat xidməti məlumat yayıb.

"Tibbi alətlərin və istehlak materiallarının tədarükü üzrə tenderlər zamanı pozuntu əlamətləri aşkar edilib", - FAS-dan aydınlıq gətirilib.

Xidmət, şirkətlərin aşkar edilən sövdələşmənin bir hissəsi olaraq "qiymətləri saxlamaq məqsədi ilə" hərəkət etməsindən şübhələnir. Qeyd olunur ki, təqsir müəyyən olunarsa, təşkilatları dövriyyə cərimələri gözləyir.