Qırğızıstandan Rusiyaya ULTİMATUMLAR

Qırğızıstanın xarici işlər naziri Jeenbek Kulubayev respublika vətəndaşlarının Moskva hamamında saxlanmasından sonra Rusiyaya ultimatumlar verəcəyini açıqlayıb.

Ajans.az xəbər verir ki, bu barədə AkiPress agentliyi məlumat yayıb.

Kulubayev yerli deputatın “Rusiyanın Qırğızıstandan olan əmək miqrantlarına ehtiyacı yoxdur” açıqlamasına belə cavab verib.

"Yaxşı ki, işə geniş diqqət yetirilib. Bu, gələcək danışıqlara və ultimatumların verilməsinə şərait yaradır. Təbii ki, belə hallar olmamalıdır. Amma biz bu vəziyyətdən istifadə etməyə çalışacağıq", - Qırğızıstan Xarici İşlər Nazirliyinin rəhbəri bildirib.

Rusiya ilə Qırğızıstan arasında diplomatik qalmaqal Moskvanın “Bodrost” hamamında həbsdən sonra başlayıb. Aprelin 14-də Qırğızıstan Xarici İşlər Nazirliyi hüquq-mühafizə orqanlarının keçirdiyi əməliyyatın əsasları barədə məlumat tələb edən rəsmi nota verib. Bundan əlavə, onlar vətəndaşlara qarşı zor tətbiq edilməsi ilə bağlı izahat tələb ediblər.