Rusiya və ABŞ Zelenskiyə görə danışıqlar aparır

Ukrayna lideri Volodimir Zelenskinin vəzifəsindən getməsi məsələsi ilə bağlı artıq Rusiya və ABŞ-də aktiv lobbiçilik fəaliyyəti aparılır.

Ajans.az xəbər verir ki, bu barədə Ukraynanın “Strana” nəşri yazır.

"Bu istiqamətdə artıq aktiv lobbiçilik fəaliyyəti var (Zelenskinin gedişi – red). Həm də təkcə Rusiyadan və onunla əlaqəli qüvvələrdən deyil. Zelenskinin çoxsaylı daxili siyasi opponentləri də Vaşinqtonda Ukraynada hakimiyyət dəyişikliyi mövzusunu  təbliğ edirlər”, - nəşrin bəyanatında deyilir.

Qeyd olunur ki, ABŞ prezidenti Donald Tramp Zelenskiyə o qədər də dəyər vermir. Üstəlik, ABŞ prezidentinin ətrafının bir hissəsi Ukrayna liderinə tamamilə mənfi münasibət bəsləyir.