Lənkəranda 41 yaşlı qadın öldürüldü, əri polisə təslim oldu
Lənkəranda 41 yaşlı qadın bıçaqlanıb.
Ajans.az xəbər verir ki, hadisə bu gün Lənkəran şəhəri ərazisində baş verib.
Belə ki, Lənkəran şəhər sakini, 1984-cü il təvəllüdlü Günel Allahverdi qızı Tahirova çoxsaylı bıçaq yaraları ilə Lənkəran Rayon Mərkəzi Xəstəxanasına hospitalizasiya olunub.
G.Tahirova dərhal əməliyyat blokuna alınıb. Həkimlərin səylərinə baxmayaraq o, ölüb.
Hadisəni törətməkdə şübhəli bilinən 1979-cu il təvəllüdlü İman Rövşən oğlu Tahirov könüllü şəkildə polisə təslim olub.
Faktla bağlı Lənkəran Rayon Prokurorluğunda cinayət işi açılıb.
