Həmin helikopter qəzadan 24 saat əvvəl başqa uçuşa mane olub - YENİ FAKTLAR
Vaşinqtonun Ronald Reyqan hava limanında Black Hawk hərbi helikopteri ilə sərnişin təyyarəsinin toqquşmasından bir gün əvvəl eyni qəza baş verə bilərdi.
Ajans.az xəbər verir ki, bu barədə “Washington Post” qəzeti hava limanındakı mənbələrə istinadən yazır.
Qeyd olunur ki, analoji hadisə Konnektikut ştatının Hartford şəhərindən Vaşinqtona uçan Republic Airways reysi ilə də baş verib. Təyyarə enişə yaxınlaşarkən yolunda helikopter peyda olub. Sərnişin təyyarəsinin pilotları fövqəladə gediş edib, bundan sonra onlar eniş edə biliblər.
CNN bildirib ki, American Airlines təyyarəsinin Vaşinqton yaxınlığında qəzaya uğramasından üç il əvvəl ən azı iki pilot eniş zamanı helikopterlərlə az qala toqquşduğunu bildirib.
Qeyd edək ki, bir müddət əvvəl ABŞ prezidenti Donald Tramp Reyqan hava limanında qəzaya uğrayan təyyarənin qarşısını almağın mümkün olduğunu bildirmişdi. Amerika liderinin qeyd etdiyi kimi, təyyarə “ideal və normal” eniş trayektoriyası ilə gedirdi və helikopter heyəti öz kursunu dəyişməli idi.
Xatırladaq ki, Kanzasdan Vaşinqtona uçan American Airlines təyyarəsinin göyərtəsində 60-dan çox sərnişin və 4 ekipaj üzvü olub. Təyyarə qəzaya uğrayanda bir neçə hissəyə bölünüb.
