DƏHŞƏT: Evinə girən oğrunu polisə şikayət etdi, polis onu ÖLDÜRDÜ
Nevada ştatının sakini Brandon Durham, evinə girən oğru ilə bağlı polisə müraciət edib.
Ajans.az xəbər verir ki, hadisə yerinə gələn polis məmuru Bukman Durhamla oğru arasındakı mübarizəni səhv qiymətləndirib və Durhamı öldürüb. Belə ki, Durham 911-ə yığaraq iki nəfərin onun evinin qarşısında atəş açdığını və evə girmək istədiklərini bildirib. 15 yaşlı qızı ilə evdə olduğunu deyən Durham hamamda gizlənəcəyini deyib.
Evə gələn polis məmurlarının bədən kamerası görüntülərində məmurların Durhamın qapısını təpiklə açdıqları görünür. 26 yaşlı polis zabiti Aleksandr Bukman silahı çıxararaq dar dəhlizlə irəliləyib. Kadrlarda Durham və oğru kişi arasında mübarizə əks olunub. Bukman “Bıçağı at” deyərək qışqırıb və cəmi iki saniyə sonra atəş açaraq Durhamı vurub. Güllə Durhamı başından zədələyib.
Durham və oğru yerə yıxıldıqdan sonra belə, Bookman daha beş atəş açıb. Polisin araşdırması zamanı məlum olub ki, 31 yaşlı oğru Boudreaux silahla evə girib, polisi onu öldürməyə təhrik etməyi planlaşdırıb. Təhlükəsizlik kamerası görüntülərində Boudreaux-un evə girməzdən əvvəl 10 dəqiqə çöldə gözlədiyi görünür. Durhamın ailəsi hadisədə bıçağı tutan şəxsin Durham olmadığını, Boudreaux-u dayandırmağa çalışdığını iddia edir.
Qızı İzabella "Atam qurban olub. İndi ömrümün qalan hissəsini atasız keçirəcəyəm" ifadələrini işlədib. Durhamın ortağı Rachael Gore "Polisi köməyə çağırırsan və öldürülürsən. Onun başına belə bir şey gəlməməli idi, o, yaxşı insan idi”, - deyə bildirib. Las-Veqas Polis Departamenti insidentlə bağlı daxili araşdırmaya başlayıb.
2021-ci ildən iş başında olan Bukman hazırda ödənişli inzibati məzuniyyətdədir. Məmura qarşı cinayət işi açılıb-açılmamasına Klark əyalətinin prokurorluğu qərar verəcək. Durhamın dostları qızı İzabellaya və ailəsinə kömək etmək üçün onlayn ianə kampaniyasına başlayıb. Kampaniya indiyədək 9800 dollar toplayıb.
