Tbilisidə ictimai nəqliyyata kiberhücum olub
Dünya
24-01-2025 - 16:45
Gürcüstanın paytaxtında ictimai nəqliyyatda fasilə yaranıb, buna görə gediş-gəliş müvəqqəti olaraq pulsuz olub.
Ajans.az gürcü mətbuatına istinadən xəbər verir ki , şəhər hakimiyyəti kiberhücumun törədildiyini güman edir.
Tbilisi meri Kaxa Kaladze də kiberhücumun baş verdiyini ehtimal edir.
"Araşdırma başlayıb. Çox güman ki, ödəniş sisteminə kiberhücum edilib. Necə və kim tərəfindən - bunu mütləq istintaq müəyyən edəcək", - o, qeyd edib.
Bir müddət sonra şəhər xidmətləri problemlərin öhdəsindən gələ bilib və nəqliyyat fəaliyyəti adi qaydada bərpa edilib.
