Tailand və Malayziyada güclü daşqınlar ölümlə nəticələndi
Dünya
30-11-2024 - 18:50
Son onilliklərin ən güclü daşqınları Tailandın cənubunda və Malayziyanın şimalında baş verib.
Ajans.az xarici KİV-ə istinadən xəbər verir ki, son üç gündə suyun səviyyəsinin qalxması səbəbindən on minlərlə insan təxliyə edilib.
Tailandın cənubunda daşqınlar təxminən 534,000 ev təsərrüfatına təsir göstərib, ölənlərin 9-a çatıb və minlərlə insan təsirlənmiş ərazilərdə qurulmuş 200 müvəqqəti sığınacaqda qapalı vəziyyətdə qalıb.
Milli Fəlakətlərin İdarə Olunması Mərkəzinin məlumatına görə, qonşu Malayziyada daşqınlar cümə günündən bəri 9 ştatda 139 minə yaxın insana təsir edib və 3 nəfər ölüb.
Tailandın Meteorologiya Departamenti şənbə günü ölkənin cənubunda bir sıra bölgələrdə daha güclü yağışın gözlənildiyini və təsirlənmiş ərazilərdə daha çox daşqın olacağı barədə xəbərdarlıq edib.
