Türkiyədə dəhşət: 1 Ölü, 18 YARALI - VİDEO

İspartanın Eğirdir rayonunda avtobusun aşması nəticəsində 1 nəfər ölüb, 18 nəfər yaralanıb.

Ajans.az xəbər verir ki, “Aksel Seyahat” şirkətinə məxsus sərnişin avtobusu İsparta-Eğirdir avtomobil yolunun Miskinler məntəqəsində xəndəyə aşıb. Xəbər üzərinə qəza yerinə 112 Təcili Sağlamlıq, polis və jandarma qrupları sövq edilib.

Qəza nəticəsində 1 nəfər ölüb, 18 nəfər yaralanıb. Yaralılar sağlamlıq qrupları tərəfindən ətraf xəstəxanalara aparılıb. Xəstəxanaya aparılanlardan yalnız birinin vəziyyəti risklidir, qalanlarının durumu stabildir.