Mesut Özil “Zirə”nin qonağı oldu

Azərbaycanda səfərdə olan Almaniya millisinin sabiq futbolçusu Mesut Özil “Zirə”nin qonağı olub.

Ajans.az xəbər verir ki, o, Zirə İdman Kompleksində klubun U-19 komandasının üzvləri ilə görüşüb və onlara öz tövsiyələrini verib.

Qeyd edək ki, Məsut Özil karyerası ərzində “Real”la yanaşı, İngiltərənin “Arsenal” və Türkiyənin “Fənərbaxça” komandalarının da formasını geyinib. O, 2014-cü ildə Almaniya millisinin heyətində Braziliyada keçirilmiş dünya çempionatının qalibi olub.