Yarımmüdafiəçi oyun vaxtı huşunu itirdi

Danimarka millisinin yarımmüdafiəçisi Kristian Eriksen Ukrayna yığmasına qarşı keçirilən yoldaşlıq matçında huşunu itirib.

Ajans.az xəbər verir ki, hadisə Danimarkanın Odense şəhərində yerləşən "EWII Park" stadionunda baş tutan qarşılaşmanın ikinci hissəsində qeydə alınıb.

Futbolçunun yıxılmasından sonra ona uzun müddət tibbi yardım göstərilib. Qarşılaşma 75-ci dəqiqədə, hesab 2:1 Danimarka millisinin xeyrinə olarkən dayandırılıb və daha sonra davam etdirilməyib.