400-dən çox mina hadisəsi baş verib- Hikmət Hacıyev

"Biz kütləvi minatəmizləmə işləri həyata keçiririk".

Ajans.az xəbət verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

O bildirib ki, ərazilər azad edildikdən sonra beynəlxalq təcrübədən də istifadə etdik: "Lakin sürət bizi tam qane etmirdi. Buna baxmayaraq, Azərbaycanda işlər vaxtında görülməli idi ki, məcburi köçkünlər 30 ildir gözlədikləri torpaqlarına qayıda bilsinlər. Ona görə biz post-münaqişə və yenidənqurma modelini formalaşdırdıq. Belə vəziyyətdə əsas məsələ dövlət qurumları arasında effektiv əlaqələndirmədir".

Hikmət Hacıyev eyni zamanda vurğulayıb ki, 2020-ci ildən sonra azad olunmuş ərazilərdə 400-dən çox mina hadisəsi baş verib.