Ağır QƏZA: Ölən və yaralananlar var

Ağdamda ağır yol-nəqliyyat hadisəsi baş verib, ölən və yaralananlar var.

Ajans.az xəbər verir ki, qəza rayonun işğaldan azad edilmiş Xıdırlı kəndi ərazisində qeydə alınıb. Hərəkətdə olan “VAZ 2107” markalı minik avtomobili qarşıdan gələn “Opel” markalı avtomobillə toqquşub.

Hadisə nəticəsində 2 nəfər həyatını itirib, 4 nəfər isə ağır xəsarətlər alıb.

Məlumata görə, hadisə yerinə təcili tibbi yardım briqadalarının iki avtomobili və əməkdaşları cəlb olunub.

Faktla bağlı araşdırma aparılır. (trend)