Məktəbdə bıçaqlanan şagirdin SON DURUMU

Xəbər verdiyimiz kimi, Ağstafa şəhəri 3 nömrəli tam orta məktəbdə şagird dava zamanı bıçaq xəsarəti alıb.

Məsələ ilə bağlı Ajans.az-ın sorğusuna cavab olaraq TƏBİB-dən məlumat verilib.

21.04.2026-cı il tarixində saat 14:10 radələrində 2012-ci il təvəllüdlü şəxs (kişi cinsli) Ağstafa Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub. Pasiyentə sol budun deşilmiş yarası diaqnozu təyin edilib. İlkin tibbi yardım göstərilib, vəziyyəti qənaətbəxş olduğundan ambulator müalicə üçün evə buraxılıb.