Arda Güler bu kluba iki milyon avro qazandırdı

Arda Güler Real Madridin heyətində 100-cü matçına çıxıb. Bu hadisə UEFA Çempionlar Liqasının pley-off mərhələsinin cavab qarşılaşmasında Madrid klubunun Benfika üzərində 2:1 hesablı qələbə qazandığı oyunda qeydə alınıb.

Ajans.az-ın məlumatına görə, bu barədə AS nəşri yazıb.

Qeyd olunub ki, bu göstərici nəticəsində futbolçunun sabiq klubu Fənərbağça iki milyon avro məbləğində bonus əldə edib. Belə ki, İstanbul təmsilçisi 2023-cü ildə oyunçunu “Real Madrid”ə transfer edərkən müqaviləyə hər 25 oyuna görə iki milyon avro bonus maddəsi əlavə etmişdi.