Oğuz səmasında qeyri-adi hadisə: VİDEO

Oğuz rayonunda sakinlər qeyri-adi mənzərə ilə qarşılaşıb.

Ajans.az-ın verdiyi xəbərə görə, axşam saatlarında rayonun hava məkanında ard-arda uçan 6-ya yaxın təyyarə müşahidə olunub. Bu hadisə yerli əhali arasında maraqla qarşılanıb və müxtəlif fərziyyələr irəli sürülüb.

Hazırda təyyarələrin mənşəyi və uçuşların məqsədi ilə bağlı rəsmi açıqlama yoxdur. 

Hadisə ilə əlaqədar Dövlət Sərhəd Xidməti(DSX), Müdafiə Nazirliyi (MN) və AZAL-la əlaqə saxlasaq da rəsmi açıqlama verilmədi.