"Beatles" ulduzunun gitarası fantastik qiymətə satıldı

Beatles ulduzu Corc Harrisonun aldığı gitara hərracda 1,3 milyon dollara satılıb.

Ajans.az xəbər verir ki, bu barədə “Daily Mail” yazır.

Məqalədə qeyd olunur ki, sənətçi musiqi alətini hələ 16 yaşında ikən alıb. Üstəlik, Beatles ulduzunun anası musiqi alətinin pulunu Frank Hesseyin Liverpuldakı mağazasında hissə-hissə, 44 taksitlə ödəyib.

Elektrik gitara Tennessi ştatının Nashville şəhərində 20 noyabr 2024-cü il çərşənbə günü “Julien's Auctions”da satılıb. “Julien's Auctions” şirkətinin baş icraçı direktoru Martin Nolan, bu rəqəmin ən yüksək satış üzrə dünya rekordunu müəyyənləşdirdiyini söyləyib.