Banqladeş vətəndaşları Ermənistan–İran sərhədini qanunsuz keçməyə CƏHD EDİB

Banqladeş vətəndaşlarının Ermənistandan İranla sərhədi qanunsuz keçməyə cəhdi ilə bağlı cinayət işi başlanıb. Hadisə ilə əlaqədar yeddi nəfər saxlanılaraq həbs edilib.

Ajans.az News.am-ə istinadən xəbər verir ki, saxlanılan şəxslər dövlət sərhədini qanunsuz keçməyə cəhd etməkdə ittiham olunurlar və hazırda istintaq tədbirləri davam etdirilir.

Xatırladaq ki, daha əvvəl Azadlıq Radiosu öz mənbələrinə istinadən bir qrup Banqladeş vətəndaşının Ermənistandan İran istiqamətində sərhədi qanunsuz keçməyə cəhd etdiyini, lakin Ermənistan Milli Təhlükəsizlik Xidmətinin əməkdaşları tərəfindən saxlanıldığını xəbər vermişdi.