"Android" istifadəçilərinin NƏZƏRİNƏ: Bu yeniliklər gəlir

“Google” ilk quraşdırma zamanı məlumatları bir smartfondan digərinə daha sürətli ötürməyə imkan verəcək.

Ajans.az xəbər verir ki, bu barədə şirkətin bloqunda məlumat verilib.

Mütəxəssislər bildirib ki, smartfonlar arasında məlumatların ötürülməsi üçün zəruri olan “Android Switch” funksiyası bütün Android telefonları üçün əlçatan olacaq. Bu, söhbəti, təqvimləri, kontaktları, parametrləri, faylları köhnə cihazdan yenisinə köçürməyə imkan verəcək. Funksiya məlumatı “iPhone”dan Android telefonuna köçürərkən də işləyəcək. “Android Switch” 2025-ci ildə bütün istifadəçilər üçün əlçatan olacaq. “Google” həmçinin cihazlar arasında məlumat ötürülməsini 40 faiz sürətləndirə bildiyini bildirib.

“Bu, telefondan telefona böyük həcmdə məlumat ötürməyə ehtiyacı olan insanlar üçün vaxta qənaət edir”, - ekspertlər qeyd edib.