Rusiya vətəndaşı Bakıda faciəli şəkildə ÖLDÜ

Yanvarın 15-də saat 22:20-də Pirşağı qəsəbəsi istiqamətində yol-nəqliyyat hadisəsi baş verib.

Ajans.az xəbər verir ki, oxu.az-ın əldə etdiyi məlumata görə, 2003-cü il təvəllüdlü, Rusiya vətəndaşı Emil Elşən oğlu Ələkbərovun idarə etdiyi "Haojue HJ150-6" markalı motosikletlə 1996-cı il təvəllüdlü Əli Allahverdi oğlu Yasanovun idarə etdiyi "Hyundai HD-65" markalı yük avtomobili toqquşub.

Hadisə nəticəsində motosikletin sürücüsü aldığı ağır xəsarətlərdən hadisə yerində həyatını itirib.

Faktla bağlı Sabunçu Rayon Polis İdarəsinin İstintaq Şöbəsində Azərbaycan Respublikası Cinayət Məcəlləsinin 263.2-ci maddəsi ilə cinayət işi başlanılıb, istintaq aparılır.