Misir təyyarəsi Ermənistan hava məkanı vasitəsilə Bakıya UÇUB

Misirdən Azərbaycana gələn CASA C295 tipli hərbi-nəqliyyat təyyarəsi Bakıya uçuş zamanı Ermənistanın hava məkanından istifadə edib.

Ajans.az xəbər verir ki,bu barədə Ajans.az Sputnik Armenia-ya istinadən məlumat yayıb.

Məlumata görə, adətən silah daşıyanlar da daxil olmaqla hərbi təyyarələr Azərbaycana Türkiyə və Gürcüstan üzərindən uçur. Ermənistan hava məkanından keçən qeyri-mülki təyyarələr (rəsmi və hərbi daxil olmaqla) isə Ermənistan Xarici İşlər Nazirliyinin xüsusi icazəsini almalıdır.

Qahirə–Bakı reysinin 2025-ci ilin dekabr ayının əvvəlində həyata keçirildiyi bildirilir. Həmin gün təyyarə eyni marşrutla — Ermənistan hava məkanı üzərindən — Misirə geri qayıdıb.

Ermənistan Xarici İşlər Nazirliyindən verilən açıqlamada isə qeyd olunub ki, Qahirədən Ermənistan hava məkanı vasitəsilə Bakıya uçan təyyarə sərnişin təyyarəsi olub və yüksək vəzifəli şəxsi Azərbaycana daşıyıb.