Millimiz FİFA reytinqində 127-ci pillədədir

FIFA milli komandalar üçün ilin son reytinq cədvəlini açıqlayıb.

Ajans.az xəbər verir ki, Azərbaycan yığmasının mövqeyində dəyişiklik olmayıb.

Ayxan Abbasovun baş məşqçisi olduğu kollektiv 1132,97 xalla 127-ci pillədə qalıb.

Reytinqə 1877,18 xalla son Avropa çempionu İspaniya millisi başçılıq edir. İkinci sırada son dünya çempionu Argentina (1873,33), üçüncü pillədə isə Fransa (1870) yer alıb.