"Yuventus"un futbolçusu əməliyyat olunub

İtaliyanın "Yuventus" klubunun futbolçusu Duşan Vlahoviç əməliyyat olunub.

Ajans.az xəbər verir ki, klubun rəsmi saytına istinadən xəbər verir ki, serbiyalı hücumçu sol dizindən cərrahi müdaxiləyə ehtiyac duyub.

Onun təxminən 14 həftə yaşıl meydanlardan kənarda qalacağı gözlənilir.

Qeyd edək ki, Duşan Vlahoviç cari mövsüm 17 oyunda 6 qol və 2 məhsuldar ötürmə ilə yadda qalıb.