Təyyarə qəzası ilə bağlı daha bir AÇIQLAMA

Noyabrın 11-də Azərbaycan-Gürcüstan sərhədində C-130 hərbi yük təyyarəsinin qəzaya uğradığı yerdə tədqiqatlar başa çatıb.

Ajans.az  xəbər verir ki, bu barədə Türkiyənin Milli Müdafiə Nazirliyi açıqlayıb. 

Qeyd olunub ki, araşdırmanı aparan komanda ölkəyə qayıdıb: "Qrupumuz noyabrın 11-də Azərbaycan-Gürcüstan sərhədində qəzaya uğrayan C-130 hərbi yük təyyarəmizin qalıqları ilə bağlı araşdırmalarını tamamladıqdan sonra Türkiyəyə qayıdıb. Qalıqların Kayseridəki 2-ci Əsas Baxım Zavod Müdirliyimizə daşınması davam edir".