“Barselona”nın prezidenti Bakıya GƏLİR

İspaniyanın “Barselona” futbol klubunun prezidenti Xuan Laporta Bakıya səfərə hazırlaşır.

Ajans.az xəbər verir ki, Laporta Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının (COP29) 29-cu sessiyasında iştirak edəcək.

COP29 konfransı noyabrın 11-dən 22-dək davam etdiyi üçün onun səfəri noyabrın 16-na planlaşdırılır.

Laportanın Barselona prezidenti kimi fəaliyyəti (2003-2010) çox uğurlu olub, komanda dörd La Liqa, iki UEFA Çempionlar Liqası kuboku və ümumilikdə 12 əsas kubok qazanıb.

2009-cu ildə "Barselona" bir ildə altı kubok qazanaraq əlamətdar bir rekorda imza atıb. Laporta 2021-ci ilin martında yenidən "Barselona"nın prezidenti seçilib.