Zelenski İlham Əliyevlə danışdı: Səfirliyin vurulmasını pislədi

Ukrayna Prezidenti Vladimir Zelenski Azərbaycan Prezidenti İlham Əliyevlə telefon danışığı aparıb.

Ajans.az xəbər verir ki,bu barədə məlumat Ukrayna Prezidentinin Telegram kanalında dərc edilib.

Bəyanatda bildirilir ki, dövlət başçıları ikitərəfli münasibətlərin inkişafı və tərəfdaşlığın genişləndirilməsi məsələlərini müzakirə ediblər.

"Biz həmçinin ikitərəfli münasibətlərimizi və tərəfdaşlığımızın inkişafını müzakirə etdik. İkitərəfli əməkdaşlığın bütün sahələrində yaşıl işıq var. Yaxşı potensial mövcuddur və biz bunu reallaşdıracağıq. Təşəkkür edirəm", — deyə Zelenski qeyd edib.

Ukrayna Prezidenti əlavə edib ki, söhbət zamanı tərəflər 14 noyabrda Kiyevə edilən hücumu da müzakirə ediblər. Onun sözlərinə görə, Prezident İlham Əliyev hadisəni pisləyib.