Blogger UNESCO ərazisində tonqal yandırdığına görə cərimələndi

Avstraliyada tanınmış blogger Bridget Cosato UNESCO-nun Ümumdünya İrsi Siyahısında olan K'Gari adasında tonqal yandırdığı və dron uçurduğu üçün cərimələnib.

Ajans.az Daily Mail-ə istinadən xəbər verir ki,Cosato oktyabr ayında çadırla adaya səyahət edib. Qeyd olunur ki, blogger qumda kiçik çökəklik qazaraq tonqal yandırıb ki, bu, Kvinslend Parkları və Vəhşi Təbiət Xidmətinin (QPWS) qaydalarına görə qadağan olunmuşdur. Həmçinin o, düşərgənin üzərində dron uçurub ki, bu da adada icazə verilmir.

Cosato yandırdığı tonqaldan çəkilmiş videonu YouTube-da yayımlayıb və video 50.000-dən çox baxış toplayıb. Daha sonra o, qanunsuz fəaliyyətlərinə görə rəsmi olaraq cərimələnib.