Evdən 10 min manat OĞRULADI- HƏBS OLUNDU

Paytaxtın Sabunçu rayonunda oğurluq hadisəsi baş verib. 

Ajans.az xəbər verir ki, zərərçəkmiş iki nəfər polisə müraciət edərək ümumilikdə 10000 manat dəyərində məişət əşyalarının talanmasını bildiriblər. 

Polis əməkdaşları tərəfindən keçirilən əməliyyat-axtarış tədbirləri ilə V.Məmmədov və əvvəllər məhkum olunmuş R.Əliyev şübhəli şəxs qismində saxlanılıblar.

Faktlarla bağlı araşdırmalar davam etdirilir.