Tramp ailəsinə milyardlarla dollar qazandıran şəxs haqqında "heç nə bilmədiyini" iddia edir

ABŞ Prezidenti Donald Tramp ailəsinə milyardlarla dollar qazandıran Çin-Kanada kriptovalyuta patronu Çanpenq Çjaonun əfvi ilə bağlı “heç nə bilmədiyini” açıqlayıb.

Ajans.az xəbər verir ki,Binance-in qurucusu olan Çjaonun Trampın oğullarının World Liberty Financial şirkətini böyük bir uğura çevirməsinə kömək etdikdən sonra prezident tərəfindən əfv olunub-olunmadığı barədə suallara cavab verərkən deyib:

“Yaxşı, hazırsan? Onun kim olduğunu bilmirəm. O adam haqqında heç nə bilmirəm, eşitdiyimdən başqa, hökumət tərəfindən təqib olunub. Hökumət dedikdə Bayden hökumətini nəzərdə tutursunuz.”

Adətən “CZ” baş hərfləri ilə tanınan 48 yaşlı Əbu-Dabi sakini Çjao, 2024-cü ildə Bank Məxfiliyi Qanununda çirkli pulların yuyulmasına qarşı tələbləri pozduğuna görə dörd aylıq həbs cəzasına məhkum olunub.

Tramp isə Çjaonun əvvəlki administrasiya tərəfindən təqib olunduğuna inandığını bildirib:

“Bilirəm ki, ona dörd aylıq həbs cəzası verilib. Eşitdim ki, bu Baydenin cadugər ovudur.”