Cəlilabadda ağır qəza, xəsarət alanlar var

Cəlilabad rayonunda xəsarətlə nəticələnən yol qəzası baş verib.

Ajans.az xəbər verir ki, hadisə Cəlilabad rayonunun Təklə kəndi ərazisində qeydə alınıb.

"Nissan X-Trail" markalı avtomobil sərt döngədən eniş edərkən aşıb. İlkin məlumata görə, avtomobildə olan 5 nəfər xəsarət alaraq xəstəxanaya çatdırılıb.

Hazırda yaralıların kimliyi dəqiqləşdirilir.

Faktla bağlı araşdırma aparılır.