"Real"ın 19 yaşlı futbolçusu karyerasını bitirdi

"Real"ın futbolçusu Mark Kukalon 19 yaşında karyerasını başa vurub.

Ajans.az xəbər verir ki, bu barədə Madrid klubunun yetirməsi sosial şəbəkədə məlumat verib.

Buna səbəb futbolçuda xroniki zədənin olmasıdır. Kukalonun daha əvvəl dizinin çarpaz bağı yırtılıb və əməliyyat zamanı bakteriyalar oynağına daxil olub ki, bu da nadir hallarda rast gəlinən infeksiyaya səbəb olub. Bundan sonra gənc futbolçu dizindəki problemi aradan qaldıra bilməyib. Nəticədə o, karyerasını bitirməyə məcbur olub.