15 yaşlı Ronaldo Portuqaliya millisinə ilk dəvətini aldı

40 yaşlı portuqaliyalı "Əl-Nəsr"in hücumçusu Kristiano Ronaldonun 15 yaşlı oğlu Ronaldo Portuqaliyanın 16 yaşadək futbolçulardan ibarət milli komandasına ilk dəvətini alıb.

Ajans.az xəbər verir ki, bu barədə Portuqaliya Futbol Federasiyasının rəsmi saytı məlumat yayıb. 

Qeyd edək ki, Səudiyyə Ərəbistanının gənclərdən ibarət “Əl-Nəsr” komandasında çıxış edən kiçik Kristiano Ronaldo Türkiyənin Antalya şəhərində keçiriləcək Federasiya Kubokunda çıxış edəcək.

Portuqaliya millisi turnirdə Türkiyə (30 oktyabr), Uels (1 noyabr), İngiltərə (4 noyabr) ilə qarşılaşacaq.